ჯგუფის ძირითადი ბირთვის მიერ 1970 წლიდან დღემდე ჩატარებულია ყოფილი საბჭოთა კავშირის ტერიტორიაზე არსებული სამგზავრო და სატვირთო ბაგირგზების მზიდი და საწევი ბაგირების, აგრეთვე მათთან დაკავშირებული სხვადასხვა კვანძების ვიზუალური შემოწმება და ინსტრუმენტალურ-დიაგნოსტიკური ექსპერტიზა.
    ჯგუფის წევრებს გააჩნიათ დარგში ღრმა თეორიული ცოდნა და მდიდარი პრაქტიკული გამოცდილება. მიღებული აქვთ მრავალი პატენტი გამოგონებებზე.    ჯგუფის წევრების მიერ დამუშავებული და დანერგილია ორიგინალური კონსტრუქციის მილების (დიამეტრით 125 მმ-მდე) დეფექტოსკოპი, რომელიც 1983-92 წლებში წარმატებით მუშაობდა რუსთავის მეტალურგიული ქარხნის მილსაგლინავ საამქროში. პრაქტიკულად ჯგუფს გააჩნია ზემოაღნიშნული ობიექტების ინსტრუმენტალურ-დიაგნოსტიკური ექსპერტიზის მონაცემთა ბაზა (ბაგიროგრამების არქივი), რისი ანალიზიც საშუალებას გვაძლევს განვსაზღვროთ ბაგირების შემდგომი მუშაუნარიანობის რისკის ფაქტორი.